Dan Bu

ARTICLE – I

PAWL HMING LEH AWMNA HMUN

1.     Pawl hmingah Mizoram Truck Owners’Association tih a ni ang a, Mizoram a Truck neitute inhlawmkhawm Pawl sawina a ni. A lamtawiin MTOA tih a ni ang.

2.     General Headquarters chu Aizawl, Mizoramah a awm ang.

ARTICLE – II

MOTTO, THIL TUM LEH INNGHAHNA

1. MOTTO: Tanrualna leh Thawhhona tha hian Ram hmasawnna a thlen.

2. THIL TUM LEH INNGHAHNA

i)MTOA Member te hamthatna  ngaihtuah.

ii)Truck neitute leh a hmangtute inkara inpawh tawnna tha a awm theih nana hma lak

          iii)Vantlang tana tangkai tur thawh / Siam / din.

ARTICLE – III

MEMBER NIH DAN

1.                 Mizoram khua leh tui dik tak a ni tur a ni.

2.                 Truck a nei tur a ni.

3.                 Member ni tur chuan heng Fee te hi a pe tur a ni.

1)     Membership Fee Rs.300/-

2)     Annual Fee         Rs.200/-

Total                  Rs.500/-

4.     Memberte’n kumtin January - March thla chhunga Annual Fee pe in an Member nihna an tithar thin tur a ni. Huntiam chhunga Annual Fee pelo te chu Member an ni chhunzawm thei lovang.

5.     Member in a Truck neih a hralh emaw, a tihral chuan a member nihna a tawp nghal ang a, Truck a nei leh a nih chuan a tharin Registration tih a ngai tawh ang.

6.     Member boral an awmin a member nihna a chhungten an chhawm thei lovang a, member nih an duh chuan a tharin Registration an ti tur a ni.

7.     Member in zankhat mitchhin tawh palh thu hlaah MTOA in a ralna latu(Rokhawmtu) tur hming a ziak tel tur a ni a, a(Member in) duh chuan a thlak leh thei ang.

ARTICLE – IV

OFFICE KALPHUNG

1.     Pawl Pisa pui (General Headquarters Office) chu Mizoram khawpui, Aizawl ah a awm tur a ni.

2.     Pawl Pisa puiah chuan heng hruaitute hi an awm ang: President,Senior Vice President, Vice President, General Secretary, Secretary, Treasurer, Finance Secretary, Adviser Pahnih (2) aia tamlo, Legal Adviser 1 leh Executive Member 15 ai a tlemlo.

ARTICLE – V

SUB-HQ. / BRANCH  DIN THEIH DAN

1.     M.T.O.A Sub-Hq. hi District Hq.ah din theih a ni ang.

2.     M.T.O.A Branch din tur chuan an awmna Sub-Hqrs.ah affiliation Fee Rs.500/- pein an in Registered tur a ni ang.

3.     M.T.O.A Sub-Hq. / Branch chuan O.B paruk(6)- President, Vice President, Secretary, Assistant Secretary, Treasurer, Finance Secretary te an awm ang.

4.     M.T.O.A Sub-Hq. / Branch te chuan Gen. Hq. kaihruaina zawmin, chumi zulzui chuan an huam chhung theuhah mawhphurhna an la ang.

5.     Kumtin December thlaah Assembly neiin hruaitu an thlang thin ang. Inthlan a tanga ni 30 ral hmain hruaitu thar te hming leh an nihna(Designation) te chu Gen. Hq.-ah an theh lut tur a ni.

6.     General Assembly-ah palai tirin an kal ngei tur a ni a, an kal theih loh chuan a chhan ziakin Gen. Hq.-ah an theh lut tur ani.

7.     Sub-Hq. / Branch te, chhan leh vang sawi lova Gen. Assembly-ah a zawna vawi thum(3) kallo chu General Assembly rem tihnain thiah theih a ni ang.

8.     Gen. Assembly Agenda an neih dawnin General Assembly hma ni 10 aia tlemlo a la awmin Gen. Hq.-ah theh luh tur a ni.

9.      Sub-Hq. / Branch ten anmahnia chinfel theih loh harsatna an nei a nih chuan thil awmzia chiang taka ziakin Gen. Hq.-ah an theh lut thin ang.

10. Dana ziah lan kher loh M.T.O.A tana tha tura hmalaknaah Gen.Hq. rawnin thutlukna an siam thei ang.

11. Sub-Hq. / Branch O.B-te pawh General Headquarters Executive Committee nia awm remchang te chu Committee-ah an telve thei ang.

12.  Kum tin January - March thla ral hmain Sub-Hq. in Rs.1000/- pein General Headquarters an zawmna an tithar thin tur a ni.

ARTICLE – VI

GENERAL HEADQUARTERS INTHLAN DAN

1.     General Headquarter Office Bearer te chu General Assembly ah thlan thin an ni ang.

2.     Hruaitu thar thlan dawnin Executive Committee in inthlanna buaipui turin Returning Officer 1 leh Polling Officer 2 a ruat ang. Anni hian a tul chuan phungbawm pawh an sawm thei ang.

3.     Member 1 in Vote 1 zel an nei thei ang.

4.     O.B nitur chuan Executive Member kum 2 tal lo ni tawh leh Executive Member nilai a ni tur a ni.

5.     Post by Post a inthlanna neih thin tur a ni a, hetiangin: President, Vice President, General Secretary, Secretary, Treasurer, Finance Secretary.

6.     i) General Headquarter O.B thlanturte hi Executive in tul a tih chuan Official Candidate siamin emaw Member Nomination mi 10 emaw a siam thei ang.

ii) Floor a tangin Post 1 ah Nomination mi 1 ai a tamlo siam theih a ni ang.

    7.  i) Inthlanna chu Secret Ballot a buatsaih a ni ang.

    ii) Vote hmu sang ber tling a puan a ni ang. Vote hmusang inzat an awmin a sang in angte a tangin thlan that leh           tur ani a, chumi hnua a inzat leh a nih chuan R.O in thum vawrin emaw lehkha pawhtirin emaw thu tlukna a siam thei ang.

8. Inthlanna Ballot Paper te khawih danglam lohin inthlan result puan a tanga ni 5 chhung R.O in a vawng tha ang.

9. Inthlanna result complaint duh chuan, result puan a tanga darkar 24 chhungin a complaint-na ziakin R.O hnenah a thehlut tur a ni. Tawngkaa sawi chu thu tlinga pawm a nilo ang.

10. Complaint-na chu R.O chuan P.O te rawnin complaint-tute nen an en ho ang a, a complaint-na a dik anih chuan R.O chuan result alo puan tawh chu siamthain a ti danglam tur a ni.

11. Result puan a tanga ni 10 chhungin hruaitu hluiten hruaitu thlan tharte hnenah Charge an hlan tur a ni.

12. Hruaitu thlan tharte chuan a hma thei ang berah Executive Member, Adviser, Legal Adviser-te ruatin Executive Body an din tur a ni.

ARTICLE – VII

O.B MAWHPHURHNA

1. Office Bearer-te chuan Executive Committee a thlen turte thlir lawkin a duangchhuak thin ang a, hmanhmawh thilah thu tlukna a siam thei ang.

2. Office bungrua, sum leh pai enkawl leh vawn him chu O.B te mawhphurhna a ni ang a, a tul angin Incharge an siam thei ang. Office bungrua te hi Executive thu lo chuan mimal thilah hman theih a ni lovang.

3. Executive Committee Member, Adviser, Legal Adviser ruatte chu a mawhphurhna a ni ang a, a tul dan a zirin Information & Publicity Secretary an ruat thei ang.

4. O.B Term hi General Headquarter, Sub-Headquarters, Branch ah te kum 1 a ni ang.

ARTICLE – VIII

O.B. TE THUNEIHNA

1.     PRESIDENT:-

1)     President chu MTOA ah a lu ber a ni a, pawl thil tum tihlawhtling tura mawhphurtu ber a ni ang.

2)     Pawl hminga thil tihtur hrang hrangah pawl aiawh (Representative) a ni ang a, a tul a tih angina midang a ruat thei ang.

3)     General Assembly , Special Assembly, Executive Meeting etc.ah te thutkhawmna hruaitu a ni ang. Rawt duh emaw a nei a nih chuan Vice President hnenah Chair a luahtir ang a, chumi hnuah Member angina thu a sawi thei ang. Thu tlukna siam a nih hmaloh chuan chair  a luah thei loving.

4)     Pawl thiltihna reng rengah theihlohna leh remchanlohna a neihin Senior Vice President hnenah mawhphurhna a hlan thin tur a ni.

5)     Pawl thatna tura hmalak ngaihnaah leh Emergency thilah pawl sum Rs.2000/- thleng O.B te rawnin a hmang thei ang.

6)     Pawl sum reng reng President hriatpuina lo chuan hman theih a ni lovang.

2.     VICE PRESIDENT:-

1)     President  awm loh laiin  mawhphurhna zawng zawng a la ang.

3.     GENERAL SECRETARY:-

1)     Pawl Meeting leh Committee thutlukna ziaka vawnthat chu a mawhphurhna a ni ang.

2)     Assembly leh Committee thurelte bawhzuia tihlawhtling tura hma latu a ni ang.

3)     Pawl hminga thu thawn chhuah ngaiah Signature a ni ang.

4)     President nen inberawn in Meeting leh Committee a ko thin ang.

5)     Pawl thurel bawhzui dan Committee hmasa berah a report thin ang.

6)     M.T.O.A Office Administration chungchanga mawhphurhna a kutah a awm ang.

4.     SECRETARY :-

1)     General Secretary awmloh leh theihlohin mawhphurhna a la ang.

2)     General Secretary a awm pawhin ti tura a tih chuan committee thurel minute / record chu a tih tur a ni.

3)     General Secretary ang thoin pawl thiltum te bawhzuinaah mawhphurin G.S a tawiawm ang.

5.     TREASURER:-

1)     Pawl sum vawngtu a ni ang.

2)     Pawl sum Rs.10000/- aia tam a kutah a kawl (Cash in hand) tur a nilova, Rs.10000/- aia tam chu MTOA Account ah a dah lut thin ang.

3)     Executive Committee remtihnain President leh Fin.Secretary te’n hming an sign hnuah pawl sum a pechhuak thin ang.

4)     President, Senior Vice President, Vice President awmloh laiin a tul angin Meeting leh Committee a kaihruai thin ang.

6.     FINANCE SECRETARY:-

1)     Pawl sum lut leh chhuak reng reng record in Receipt / Voucher nen a vawng ang.

2)     MTOA Account bu chu fel taka vawngin Executive Committee-ah a report thin ang.

3)     Pawl sum a dawn reng reng a hma thei ang berin Treasurer hnenah a hlan nghal thin tur a ni.

4)     Thlatin Treasurer Record nen enmil a pawm a nih hnuah account chu closed thin tur a ni.

ARTICLE – IX

EXECUTIVE THUNEIHNA LEH MAWHPHURHNA TE

1.     Executive Committee chu General Assembly dawttu a thuneitu sang a ni ang a, Executive Committee Member term chu Kum 1 a ni ang.

2.     Pawl hmalakna peng hrang hrang a thawktu lak leh an hlawh bithliahtu a ni ang a, hnathawk a a rawihte ban theitu a ni bawk ang.

3.     Executive Committee in tul a tih chuan heng thununna/hremna te hi a hmang thei ang:-

1)     Zilhhau,

2)     Nihna hlihsak,

3)     Member a tanga hun engemaw chhung chawlhtir ( Suspend),

4)     Member a tanga tiam chin awm lova ban.

4.     Pawl bungrua lei leh hralhchhuah chung changah thutawp a nei ang.

5.     Executive Member/O.B nisi, a chhan leh vang sawilova a zawna vawi thum(3) committee-a tello chu Executive Member a tangin mahni inban anni ang a, committee kohna pawh pek / hrilh an ni tawhlo ang.

6.     Executive Member tupawhin Committee thu puanzar loh chi chu a puangzar tur a nilo.

7.     M.T.O.A Dan Bu-a ziaka tel kherlo pawh rel a thu tlukna siamtu a ni ang a, Committee thutlukna chu pawl kal dan tura pawm a ni ang.

8.     Pawl inthlannaa Roturning Officer leh Polling Officer ruatte, Pawl sum endiktu (Auditor) tur ruat te chu a mawh phurhna a ni ang.

9.     General Assembly hun ruattu a ni ang a, General Assembly / Special Assembly Agenda enlawktu leh siam feltu a ni ang.

10. A tul a nih chuan Sub Committee / Action Committee a siam thei ang.

ARTICLE – X

ADVISER TIHTURTE

1.     Pawl hmalaknaa Committee thu rawn petu niin a fin chhuah thin ang.

2.     Pawl hmalakna kawng hrang hrangah mawhphurhna leh Pawlin a chunga beiseina a neih te ti hlawhtling turin a theih tawp a chhuah thin ang.

ARTICLE – XI

LEGAL ADVISER TIHTURTE

1.     Legal Adviser a nih angin pawl hmalakna chungchangah thubuai a awmin pawl aiawha dingin pawl tan theihtawp a chhuah ang.

2.     Pawl aiawha thubuai sawinaa a dinin, pawl hruaitute nena an inremsiam angin a ding thin ang.

ARTICLE – XII

OFFICE SECRETARY/ STAFF TIH TURTE

1.     Office Bearer leh Executive Committee-in tihtur an siam tih hlawhtlin chu a mawhphurhna a ni.

2.     Office-a lehkha lo lutte enin thu hmanhmawh a awm chuan O.B te a hrilh vat tur a ni.

3.     Office file leh bungruate fel takin a enkawl tur a ni.

4.     Member Renew emaw, New enrollment emaw an awmin fel taka record in receipt a pe chhuak thin ang.

5.     Office mamawh lei ngaite President leh Treasurer te hriatpuina in a lei thin ang.

6.     Committee/Meeting mamawhte a lachhuakin a dahfel leh thin ang.

7.     Pawla sum lut a dawnte chu a rang lamin Fin.Secy. hnenah a thehlut thin ang.

8.     Emergency thila mamawh a tan Rs.1000/-chin a kawl thei ang.

9.     Inrinni (Sat) chu pawlin tul bik a tih niah lo chuan Half Holiday ah a hmang thin ang.

10. Office hna thawkte’n O.B tu emaw ber hriatpuina lo chuan Office hun chhungin Office an chhuahsan tur a ni lo.

11. Office Staff-te reng reng in M.T.O.A member-te inkarah thawhhona leh in pumkhatna ti chhe zawngin hma anla tur a ni lo.

ARTICLE – XIII

MEMBER TE MAWHPHURHNA

1.  MTOA Member chuan MTOA dante hriain a zawm ngei tur a ni a, hruaitute’n tihtur an siam chu tha takin a ti tur a ni.

2. Pawl in a mamawh a vanga Donation, Monthly Fee, Welfare Fund leh a dangte khawn a nih chuan tha takin a pe tur a ni.

3. Member tupawhin harsatna a tawh a tanpui a ngaih chuan ziakin General Headquarters Office ah a thlen tur a ni a, tawngka ringawt a sawi chu pawm a ni lovang.

4. MTOA Member-in Motor a lei emaw a hralh emaw a Motor-in accident a tawk emaw anih chuan Gen.Hqrs.Office ah a hriattir zel tur a ni.

5. MTOA in Truck Hire Rate a siamte dik takin a hmang tur a ni.

6. MTOA member ni duhlote’n buaina leh harsatna anlo tawh a MTOA tanpuina beisei vang a member a inpe chawpte chu an chung chang Executive Committee in a ngaihtuah ang a, a duh chuan member ah a pawmlo thei ang.

ARTICLE – XIV

GENERAL ASSEMBLY

1.     MTOA General Assembly chu pawla thuneitu sang ber a ni ang a, kum 1 ah vawikhat tal, October thla chawhma lam chhungin neih thin tur a ni ang.

2.     General Assembly-ah chuan General Headquarter hruaitu turte thlan nghal thin tur a ni ang.

3.     General Assembly neih hun hi member ten an hriatkim theihnan Assembly neih hun chawlhkar 2 hmalamah chanchinbu/Television/AIR kaltlangin hriattirna  siam tur a ni.

4.     General Assembly neih hun ni 15 hmalamah (before 15 days) hmalamah member tu pawhin Agenda tur ziakin a thehlut thei ang. Agenda a lutte chu Executive Committee in Gen.Assembly hmain a thliarfel thin ang a, a duh chuan a hnawl thei bawk ang.

5.     General Assembly thu passed turin member kalkhawmte a tanga a zahve aia tamin tha an tih chuan passed a ni ang.

6.     Dan bu siamthat leh pawl hming thlak thu ahte thuneitu sang a ni ang.

7.     MTOA Headquarter, Sub-Headquarter, Branch din turin thu neitu a ni ang.

8.     Sub-Headquarters / Branch in General Headquarters ah kumtin Rs.1000/- in an in affiliate tur a ni ang.

ARTICLE – XV

SPECIAL ASSEMBLY THUNEIHNA

1.     Special Assembly hi Executive Committee in tul a tih chuan koh theih a ni ang. Member ten an hriat kim theihnan Assembly neih hma ni 10 hmalamah Media hmangin hriattirna a chhuah tur a ni.

2.     Special Assembly thu passed te chu General Assembly thu passed ang tho a ni ang.

3.     Tul bik thilah Executive Committee in rem a tih chuan Special Assembly ah hian inthlan that theih a ni ang.

ARTICLE – XVI

PAWL SUM

1.     MTOA sum reng reng pawl dang emaw, mimalin emaw an puk leh hman phal a nilo.

2.     Bank Account hawng turin President, Treasurer leh Finance Secretary ten mawh an phur ang.

3.     Pawl sum chu Bank-ah Treasurer emaw Finance Secretary emaw Office Secretary in emaw a dah lut thei ang.

4.     MTOA sum chu pawl tana Emergency thilah a tul a nih chuan President in Rs.2000/- chin a hmang thei ang a, amaherawhchu committee neih leh hmasak berah a hmanna a report tur a ni.

5.     Pawl tana pawisa hman tulna a awm a nih chuan Executive Committee remtihnain President-in Sanction Order a pek hnuah Treasurer in pawisa a pe chhuak thei chauh ang.

6.     Pawl a sum lut reng reng chu Finance Secretary kaltlangin, Treasurer hnenah a rang thei ang berin a lut thin tur a ni.

7.     Kum tin pawl sum chu Executive Committee in a ruat Auditor ten an Audit ang a, Audited Statement a fel hnuah chauh Account bu Closed thin tur a ni.

ARTICLE – XVII

SPECIAL DONATION / COLLECTION

1.     Pawlin sum leh paiah harsatna lian tham tak a tawk a nih chuan member-te hnenah Special Donation / Collection a khawn thei ang.

2.     Special Donation / Collection hmanna tur dik tak pawl member-te hnenah MTOA hruaitute’n an sawifiah hmasa tur a ni.

3.     Special Donation / Collection chung chang a dan leh hrai chu Executive Committee in a rel ang.

ARTICLE – XVIII

INRAL CHUNGCHANG

1.     MTOA member tupawh Annual Fee leh Welfare Regular taka pein zan khat mitchhin tawk sela Executive Committee in hun remchang a tih hmasa berah Rs.10000/- in a ral thin ang. Inralna zat hi a tul angin General Assembly in a ennawn thin ang.

2.     MTOA member pawh nise, Annual Fee ( a boral kum) leh Welfare Fund a zawna thla 3 chhung pelo emaw MTOA  member a tanga Suspend laite chu an boral pawhin MTOA hminga ralna pek theih anni lo ang.

3.     Member-te an lo boralin MTOA atanga ralna dawngtur a tih hnenah chauh ralna hlan a ni ang.

4.     Member tupawh a inziahluh ni atanga ni 30 a tlin hma a boral chu MTOA hmingin ral theih a nilovang a, hei hian Accident erawh chu a huam lovang.

5.     Member tupawh rokhawlhna avanga Annual Fee pek huna a pek theihloh chuan a chhan chiang taka ziakin January – March thla chhungin M.T.O.A Office-ah a thehlut tur a ni a, Executive Committee- in a pawmsak chuan ni 30 chhung ngaih hnathiam a ni ang a, chumi hnua a ala pelo anih chuan MTOA hmingin ral theih a ni lovang.

6.     Sub-Headquarter / Branch a member boral te pawh General Headquarter dan ang thlapa a zawm an nih chuan General Headquarter dan ang thlap a ral an ni ang.

ARTICLE – XIX

THUNUN LEH INBAN CHUNGCHANG

1.     Ram dan leh hrai, Vantlang ngaiha thilsual a tih chuan Executive Committee-in a chung thu a rel ang a, hun engemaw chhung chu member a tanga chawlhtir (suspend) thlengin hrem theih a ni ang.

2.     Member tupawh Executive-in a zilhhau hnua a sawtlo ni a ahriat chu hnawhchhuah chungchangah General Assembly thuneihna a ni ang.

3.     Member tupawh pawl dan leh Executive thuchhuak kalh zawnga kal chu Executive Committee-in a chungthu a rel ang a, suspend thlengin thutlukna a siam thei ang a, a tuldan a zirin General Assembly-in a thu neihnain a ban thei ang.

ARTICLE – XX

O.B. LEH EXECUTIVE MEMBER BANNA CHUNGCHANG

1.     Harsatna leh rokhawlhna a neih a vanga O.B/ Executive Member a           tanga ban a duh chuan President hnenah ziakin a thehlut tur a ni.

2.     A banna thehluh chu Executive Committee-in a pawmpui chuan a bang thei ang a, a hmunruak hnawhkhah leh dan tur chu Executive Committee-in a ngaihtuah ang.

ARTICLE – XXI

DAN SIAMTHAT CHUNGCHANG

1.     MTOA dan hi General Assembly / Special Assembly -in tul a tih chuan Amend theih a ni ang.

2.     MTOA dan hi tihdanglam / Siamthat a tul a nih chuan Executive Committee in Drafting Committee a din ang a, an thutlukna chu General Assembly/Special Assembly in a pawmpui chuan MTOA dan a tan hman nghal tur a ni ang.

3.     Thil tul thut (Emergency) ah O.B Meeting-in dan lailawk (Ordinance) a siam ang a, chu dan lailawk chu General Assembly / Special Assembly hmasa berah pawm tura pharh leh tur a ni.

ARTICLE – XXII

PAWL THIAH CHUNGCHANG

1.     Pawl chu rokhawlhna lian tak avanga kal zel theilo dinhmuna a din emaw, Member zawng zawng zahve aia tamin MTOA thiah duhna Resolution an thehluh chuan General Assembly/ Special Assembly koh tur a ni a, chuta member kal hmun thum a thena hmun hnih (2/3) in rem an tih chuan thiah theih a ni ang.

2.     Pawl hi kal zel theilova thiah a nih chuan sum leh pai leh bungrua zawng zawngte chu MTOA Register-tu Sawrkarah thehluh tur a ni.

3.     General Assembly-in pawl thiah thu a passed chuan thiah anih hmain a leiba zawng zawng a chingfel hmasa phawt tur a ni.

ARTICLE – XXIII

MTOA FLAG

1.     MTOA chuan Flag hetiangin a nei ang.

1)     A rawng chu a eng plain a ni tur a ni.

2)     Flag len zawng chu a hnuai ami ang hi ani ang:

a)     A lian – A dung feet 4 leh a vang feet 2

b)    A laihawl – A dung 20inches leh a vang 15inches

c)     A te ( Car Flag) – Kilthum nei 8X11X15inches.

3)     MTOA Flag-ah chuan :

a)     A lai takah MTOA emblem a chuang ang.

b)    A chunglamah rawng sen in‘MIZORAM TRUCK OWNERS’ASSOCIATION’ tih a inziak ang.

c)     Flag chunglam sir dinglamah ‘ESTD’tih leh chunglam sir veilamah ‘1981’tih rawng sen a ziah tur a ni.

4)     MTOA Flag-te hi pawl Activities hrang hrangah hman thin tur a ni.

ARTICLE – XXIV

MTOA EMBLEM

1.     MTOA Emblem chu hetianga siam tur hi a ni:

a)     Rinbial pahnih inkara rawng engah a senin ‘MIZORAM TRUCK OWNERS’ASSOCIATION’ tih chu chunglamah a inziak ang a, hnuailamah ‘MOTTO/MIZORAM’ tih rawng sen bawkin a inziak ang.

b)    Rinbial chhung chu a var a ni ang a, a lai takah Mizoram Map rawng hringa ziah a awm ang.

c)     Mizoram Map chu a laiah Truck lemin a vang tan ang.

d)    Rinbial pawl Truck hmalamah ‘ESTD.’ leh Truck hnung lamah ‘1981’ tih ziah bawk tur a ni.

2. MTOA Emblem hi Letter Head, Flag etc.ahte hman tur a ni.

ARTICLE – XXV

HRILHFIAHNA

1. PAWL                   : Mizoram Truck Owners' Association sawina a ni.

2.     M.T.O.A     : Mizoram Truck Owners' Association (M.T.O.A) lam tawi.

3.     GENERAL ASSEMBLY : Pawl khawmpui sawina.

4.     O.B             : M.T.O.A Office Bearer sawina.

5.     OFFICE      : M.T.O.A General Headquarters sawina.

 

җ җ ۩۩۩җ җ